KBK / ar c’humunioù / Lanhouarne

r gumun

Lanhouarne, e-kreiz Bro-Leon, etre Arvor hag Argoad, he deus doare da vezañ ur gumun startijenn ganti : ur pemzek kevredigezh bennak a laka ar gumun da vezañ bev-birvidik a-hed ar bloaz, 23 a artizaned hag a genwerzherien ha 4 a varc'hadourien red a ginnig e-leizh a servijoù d'an annezidi.

Gant he lusk, gant kirri-boutin da vont ha dont etre Brest ha Kastell-Paol pe ar servijoù kirri-boutin skol, e kendalc'h Lanhouarne da vont war-raok. Diskouezet eo an dra-se gant ar savadurioù nevez stank o deus lakaet poblañs Lanhouarne da greskiñ a 14 % e-korf eizh vloaz.  

Ur gumun diwar ar maez e chom Lanhouarne, koulskoude, ha bras eo chomet pouez al labour-douar enni gant labourerien-douar yaouank a bled gant gounit legumaj ha sevel loened.

Lanhouarne, troet etrezek an amzer-da-zont, he deus gouezet mirout he gwrizennoù ha kenderc'hel da lidañ gouel he sant diazezer, Herve, e pardon ar 17 a viz Mezheven. 

 
 
Lec'hienn Genrouedad : www.lanhouarneau.fr
 

lad & Lec’hiennoù

Iliz Sant Herve :
Gant ar savadur, bet adsavet en XVIIIvet kantved, ez eus bet miret tammoù eus ar savadurioù kent : ar c'hloc'hdi eus ar XIVvet kantved, ar penn-chantele eus ar XVIvet kantved, ar garnel eus ar XVII kantved ha dreist-holl ar porched su eus 1582-1588, ar c'hentañ porched savet penn-da-benn e giz an Azginivelezh e Breizh.

 

 

Feunteun Sant Herve :
War hent Kastell-Paol, emañ delwenn sant Herve, eus ar XIVvet kantved, oc'h evezhiañ ar feunteun e goueled al leur-diskuizh. Bep 17 a viz Mezheven e vez tud ar gumun o prosesioniñ eno, ha pa vefe an deiz-se war ar sizhun. Rak chom a reont feal d'al le graet e 1942 da enoriñ Patrom ar barrez ma tistrofe an holl brizonidi salv ha dibistig d'ar gêr.

 

Kroaz ar C'horr :
An dielloù diwar-benn ar groaz-se, bet adsavet e 1553, a vez miret ha ganto e c'haller hizivaat istor ar glad bihan-se.

 

 

En ur vont gant ar gwenodennoù-bale stank e c'halloc'h gwelet a bep seurt traoù, e pleg an hent, kroaz, maner, milin... ha kaset e vioc'h betek traoñienn ar Saezh ma c'haller bale en disheol.

 

iverennoù talvoudus

  • Ti-kêr : 02 98 61 48 87
  • Lastezerezh Rulea : 02.98.61.32.57

conception & réalisation : NJollé © 2008